शुक्रबार, बैशाख ७, २०८१
पोखरा जहाज दुर्घटनाः ६४ जनाको मृत्यु भएको पुष्टि
- आइतवार, माघ १, २०७९
काठमाडौं-आइतबार बिहान पोखरामा भएको यति एयरलाइन्सको दुर्घटनामा अहिलेसम्म ६४ जनाको मृत्यु भएको छ।
जहाजमा रहेका ७२ जनामध्ये अहिलेसम्म ६४ जनाको शव फेला परेको एसपी अजय केसीले जानकारी दिए । ज्यान गुमाएका ३० जनाको शव अस्पतालमा पुर्याइएको छ भने ३४ वटा शव खोंचमा भेटिएका छन्।
अप्ठ्यारो ठाउँ भएका कारण बाँकी शव निकाल्न क्रेन ल्याइएको कास्कीका प्रमुख जिल्ला अधिकारी टेकबहादुर केसीले बताए ।
आइतबार काठमाडौंबाट पोखराका लागि उडेको यति एयर प्रालिको एनवाईटी–६९१, ९ एन–एएनसी विमान १० बजेर ५० मिनेटमा पोखरा टावरसँग सम्पर्कपछि दुर्घटना भएको थियो ।
Facebook Comments
